จากกระทู้..ติดร.วิชากลอน ของคุณทอฝันครับ
~กลอนเกาหลี(มั้ง)~
ย่อนบ่เพียร เรียนต่ำ ซำหางอึ๊ง
เลยบ่ถึง บ่ป๊อง ส๊องบ่ซอด
แต่จั่งได๋ ใจนี้ บ่มีจอด
สิยังตอด ยังหม่น ซ่นฮอยเก่า
ข่อยติดร. ขออ้ายหมู่ หลูโตนซาด
แนวได๋ขาด ได๋ต่ำ บ่ซำเขา
ซอยข่อยแนม ซอยส่อง หม่องมันเน่า
ซอยข่อยเกลา ซอยตี๋ สิฮับฟัง
มื่อต่อไป สิฮาด ปาดทางแก๊น
แนวได๋แม๊น สิตื๊ม บ่ลืมหลัง
ผู้เว่าสู่ แม่นรู้น้อย ข่อยบ่ซัง
อยากติดบั้ง ถามโลด สิโปรดแผ่
Oo..แต่ยามนี้ ข่อยอุกอั๊ง ทั้งอุกเอ้า
ย่อนเรื่องเก่า เรื่องก่อน ต้อนติดแห
กลอนมันสุด ปานจกครก จกคันแท
ซอยข่อยแน๊ แม๊ใหญ่เอ๊ย..พ่อใหญ่เอ้ย!!
ยามอ่านกลอน ตอนได๋ บ่ได้ศัพท์
อย่ากินตับ หันหลัง หรือนั่งเสย
อย่าฟ่าวซัง นั่งเครียด ขี้เดียดเลย
เด้ออ้ายเอ๋ย น้องหล่า ถ่าข่อยแน๊
อีกปีหน้า ปีฮือ หรือปีตึ๊ง
ข่อยอาจถึง หม่องหวัง ยังบ่แพ้
อดเอาเด้อ บ่ไหว เอาไม้แง
ถ้าเจ้าแหย่ เจ้าสอด..ฮอดคักคัก!!
งงอะสิ(ทำใจนะครับ) ขอบคุณๆๆข่อยคือ..บอม ซอง ดุ๊ก
การศึกษา พี่ยา แค่หางอึ่ง
ยังเฝ้าซึ้ง ตราตรึง ไม่จมปรัก
น้องนี้มี จิตใจ ไฝ่ฝันนัก
แอบหลงรัก พี่ชาย มาหลายปี
เรียนไม่เก่ง ติด ร. ใช่โง่ดอก
ฉันขอบอก จากปาก เลยนะพี่
มัวแต่งกลอน อ้อนสาว เลยเจอดี
เรียนติด ร. มอสี่ ตั้งห้าตัว
อยากจะช่วย แต่ด้วย จนปัญญา
อันวิชา กลอนกานต์ ยังมั่วมั่ว
เรียนเพิ่มเติม อีกหน่อย ถ้าน้องชัวร์
ไม่ต้องกลัว สอนให้ ได้แน่นอน
จะเรียกร้อง หาตายาย ทำไมเล่า
ยายเขาแก่ เขาเฒ่า เจ้าอย่าอ้อน
หยุดเถิดนะ ถึงแม้ เขาเก่งกลอน
ฉันขอวอน อย่าต่อกร กับเขาเลย
ถึงปีนี้ ปีหน้า หรือปีไหน
แม้เรียนได้ เข้าใจ ไม่อยู่เฉย
ขอรับรอง เจ้านั้น ต้องเสบย
อยากเป็นเขย ร้อยเอ็ด จับเฮ็ดนา
พันทอง
~ชอบครับ แต่งกลอนเก่งมาก~
พอแต่เปิด ผ้าม่านกั้ง มาฟังเจ้า
พออยากเอา หมอแคน มาแฮนใส่
อ่านคมแจ้ง แถลงอ้อน ออนซอนใจ
พออยากให้ อบต. ต่อคำสอย
สอยสอยสอย สาวสำน่อย สอยบักมวง
สอยแบบล๊วง แบบลี้ นี่ล่ะหลอย!!
...ชายอยากขอ ยาวยาว กล่าวจั๊กนอย
มาฟังข่อย ลำต่อ พอเป็นต๊อน
โอ้..นอนาง ผู้หน้ามน คนร้อยเอ็ด
ชายอยากเฮ็ด นาฮวม จั๊งความต้อน
อยากกำเกี่ยว เกี้ยวพา ผญาป๊อน
อยากเฮียงซ้อน จ้อนจ้อ ต่อเสาฮั่ว
คนเกินร้อย คือกัน มันเลยม่วน
จัดยามได๋ ดินไงท๊วน ควันท่วมหัว
หมอลำแฮน หมอแคนห่าว ยาวซั่นตั๊ว
อ่านแล้วนัว ปานอ่อม ยอมเจ้าหลาย
O
ขอบคุณ คุณ"พันทอง" นะครับ ที่มาร่วมสนุกต่อกลอนอีสานกับบอมซองดุ๊ก (ผมต่อกลอนไม่เป็น ผิดใดอภัยด้วยครับ)หนุ่มเกินร้อย บอม ซอง ดุ๊ก
ขอบพระคุณ ที่กรุณาเยี่ยมชมนะจ๊ะ :
บันทึกการเข้า
